Ngokiu tial techall ea kiou chaise el kmo, a kombalii ra Surangel & Sons a dimereched elmo kutmokl a otutel a tekoi el mo mesebechakl el kirel tial COVID-19 ra elsel a beluad, kemiu el okiak, ma ruureor el chad er tial kombalii.

Aikal tekoi ra omesebechakl a uldimukl ra:

• Ng mor ngii a ulterkokl el cherroid er a delongelir a rechad
• Terbengel a usbechellel a tutu ra a stouang el telkib el taem
• Mo erngii a komakai el omengedmokl ma omengikiid
• Ngmo modisii a ngeseue el mo meskau a klolem
• Mo rengii a ildois ra ngeiul a bebil ra klalou ra stouang
• Ngutuil ra ngescheklel a usbechel a klaloue, eaki melcheswar el kmo ngmla mo mekesai malechub eng mla mo diak a bebil ra klaloue, endi aki olterkokl lekor kau el kmo, a usel a kloklam a melemolm el merael mei el nga ra Matson Navigation, Marina Express Lines (MELL) ma Kyowa Shipping le aikal kombalii a melmolm el lolengeseu er Belau el kirel omerollel dial.

Melmuut er elchal taem eng melemolm el ngariou a techall ra secher el kirel tial COVID-19, endi tial kombalii ra Surangel & Sons a melmolm el melbedebek er kemiu el rokui – el chad, okiak, ma belumam, er elchal taem el dongetmokl el kirel a telmellel tial COVID-19 lokiu a tekoi ra omsebechakl.

Kid el rokui a tmak el ngara elsel tial tekoi ma bodoltirakl a tekoi ra Cherroid ra delongelir a rechad; olengeasek a diak el sal meklou a ultutelel el tekoi; diak doruul a ochar el nga ra sebekreng; ma dirrek el lomengikiid el di blechoel, eng sebeched el mo eueklii tial tekoi.

Maki melatk el melemolm lolengeseu e dedak le ngar tial diak el bleketakl lomerael bedulu chei. Koiu reng a suliu ra omelemolm a klaumerang ma kllou el reng.

A Dios lomekngeltengat e losebechakl er kemiu er elchal taem.

Surangel and Sons Company